الاثنين، 14 يونيو 2010

عسل إسود جدا


بالأمس شاهدت فيلم أحمد حلمي الجديد... "عسل إسود
قبل ان اخبركم عن رأيي..دعني أخبركم بصراحة أنني ذهبت وأنا متحيز جدا للفيلم لعدة أسباب
اولها أنه قد فاتني حتى الآن ان أشاهد الفيلم الذي أبكى الجميع"آسف عالإزعاج"...فقررت ان أعوض نفسي هذة المرة
ثانيها أن السيناريست خالد دياب كاتب الفيلم هو الفائز الأول في الموسم الأول من برنامج الأستاذ عمرو خالد الاخير مجددون وهو مما اعتبره زواج جديد بين الوسطية الاسلامية والفن قليلا ما نراها
ثالثا هو ان أحد رموز عالمى: عمرو خالد كان قد شاهد الفيلم أول الأسبوع الماضي في عرض خاص مع فريق مجددون
رابعا ان الفيلم يتكلم عن الانتماء وعن قضية مصر ولّا السفر التي اصبحت تحتل جزء كبير من عقلي هذه الأيام ناهيك عن عقل الكثير من اصدقائى
----------------------------------------------
كونكورد السلام في الثامنة والنصف اصل انتظر صديقى الذي هو أيضًا طالب من تلامذتى...يصغرني بـاربعة أعوام...نحجز...نتمشى شوية....أشترى زجاجة مياه بثلاث جنيهات ونصف من السينما ولاد الحرامية
ندلف إلى القاعة
يبدأ الفيلم
متخفوش مش هحرقه
يسير الفيلم بايقاع جميل
تدمع عيني في بعد مواضيع...كلمة حلوة وكلمتين
لا أضحك بـهيستيرية من يجلسون لجواري ولكني أضحك وابتسم وأفكر
الاستراحة...ادعو صديقي إلى بعض الفشار...الفشار بـثمانية جنيه..ولاد الحرامية برضه :)
يبدأ الفيلم بعد الاستراحة
وينتهى الفيلم في الثانية عشرة والربع
جميل..ممتع...fulfilling
يطرح عرض متوازن بين السلبيات والإيجابيات في المجتمع
قد يكون طرحا متوازنا أكثر مما تحتمله دراما السينما...لا يتخلى الفيلم عن المباشرة والمصارحة كأغلب الأفلام العربية الكوميدية....يٌحمل الفيلم بالكثير من الرموز والتلميحات فقط كي يفسدها في نهاية الفيلم بـمشهد مش ماستر سين خالص تنكشف فيه كل أفكار الكاتب فقط كي يسطح الموضوع
يقول شريف عرفة عن سر لجوئه لهذا النوع السخيف من المشاهد فى فيلمه الرائع أولاد العم ا: أن قليلون هم من ليسوا يحبون هذا التصريح ..كثيرون
من يحبونه
أخيرًا أغاني الفيلم أكثر من رائعة ...انتظروها قريبا على التليفزيون
الفيلم كوميدي جميل ..يثير بـداخلك نوعا من الشجن لو بتحس
انصح بـمشاهدته
دمتم بـعافية

هناك 5 تعليقات:

كريم الديب يقول...

انا كمان شفت الفيلم يا عمر من حوالي اسبوعين..الفيلم له معاني كويسة ولكن للاسف كنت اتمنى نهاية احسن من دي بكثير..انا مش مع الناس اللي بتحب ان مصر هي امي وشوف مصر ادتنا ايه واديتك تقول ماخدتش يا ناكر الجميل..وده المعنى اللي حاول الفيلم يوصله في النهاية ولكنه كالعادة ماوصلنيش..لانه ازاي يطرح الفيلم فكرة انه مواطن مصري ومعاه الجنسية الامريكية وساعة اما الباسبور يضيع يتهان كل الاهانة اللي شفناها دي واول ما يجيب الباسبور تبقى الحياة حلوة وكله يحترمه..للاسف انا مش شايف دي رسالة اصلا لانها وصلت معنى سلبي اننا بنتهان في وطننا..يمكن يكون الكاتب قصده كده فعلا بس انا ماستفدتش من الفيلم في النقطة دي..ما انا عارف ان طول ما انا مصري انا هتهان واتبهدل الا لو كنت مسنود ولا اعرف ظابط صايع..
كمان الفيلم فيه كمية اعلانات تخلي الواحد قرف..مصر للطيران واتصالات والشروق وبلاوي تانية
الفيلم في تقييمي الخاص ياخد 6 من 10 وكمان دي ممكن تبقى درجة عالية شوية بس يمكن الكام موقف الفكاهي اللي فيه علوا البونص شويتين

OmarHammam يقول...

"ما انا عارف ان طول ما انا مصري انا هتهان واتبهدل الا لو كنت مسنود ولا اعرف ظابط صايع..
بالظبط كده,لم يطرح رؤية جديدة ,المعالجة
سطحية بعض الشيء
شكرا لمرورك الكريم يا كريم :)

Unknown يقول...

وهو مما اعتبره زواج جديد بين الوسطية الاسلامية والفن قليلا ما نراها
ثالثا هو ان أحد رموز عالمى: عمرو خالد كان قد شاهد الفيلم أول الأسبوع الماضي في عرض خاص.................. esma7ly a3la2 w law kont fahem 3'lat sa7a7ly...7aset enk mabsoot en 3amr 5aled biro7 el cinema ....ana 3aref en el film hadef w kwais bs el ostaz 3amr 5aled kowa nas kter betaktady bieh w hat2olk da 3amr 5aled biro7 yb2a ana msh haro7....w el mosal7a bien el wastia w el fan hal enta shaifa 7aga kwaisa??

OmarHammam يقول...

sorry momken bs a3raf el awl meen ggladiator? 7ad a3rafo?

OmarHammam يقول...

sorry momken bs a3raf el awl meen ggladiator? 7ad a3rafo?