جميلة إعلانات كوكاكولا بتاعت هنشجع مصر وبتاع.. صح؟

من ناحية الجرافيك إعلانات بيبسي تحفة ...صح؟

عارفين طبعا إن بيبسي وكوكاكولا وسامسونج وفودافون وكل الشركات اللي هاريتنا الفترة اللي فاتت بـإعلانات في حب مصر و لازم نشجع مصر.. كل الشركات دي اسمها بالانجليزيmultinational أي متعددة الجنسيات أو القوميات

يعني في الوقت اللي احنا بنتفرج فيه على اعلانات كوكاكولا ومبسوطين وفرحانين بـمصر الجزائرين برضه بيتفرجو على إعلانات كوكاكولا بتاعتهم والكاميرون برضه وغانا كمان وانجولا فوق البيعة!!

تخيلوا في كاس العالم كل فرع لبيبسي في كل دولة في العالم هتعمل إعلانات وتبيع وده الهدف الرئيسي بتاعهم

بجد أنا شايف إن احنا محتاجين نكره الشركات الملتيناشيونال دي شوية مش طبعا بتكلم عن المقاطعة بس لازم نكره فكرة إن احنا نبقى معيز في اديهم

يا ريت كل واحد مايحطش في دماغه هو اشترى هدومه منين وفرحان قوي إن هدومه كلها عليها التلات ستريبس بتوع اديداس

اهم حاجة إن هدومك تبقى جميلة وكواليتي كويسة

مش لازم تاكل في بيتزا هت.. كل في حتة جميلة الأكل فيها حلو

اكبروا على الكلام ده

YOU are the STAR,not your converse!!

أوحشتمونى

مضى الكثير من الوقت-الكثير جدا فى الواقع-منذ آخر مرة كتبت فيها فى مدونتى هذه

مياه كثيرة جرت تحت الجسور كما يقول الغربيين-و كما يقول د.أحمد خالد توفيق الذى اقتبس عنه الكثير-

قد يلاحظ أحدكم أننى استخدمت كلمة "كثير" 4 مرات فى السطرين اللى فوق أى بمعدل مرتين فى السطر الواحد مما يوحى بضعف امكانياتى اللغوية و بمحدودية مجالى اللغوى

أضف لذلك أننى ثرثار أكثر من اللازم حتى أننى لم أدخل فى الموضوع بعد و لكن ما المشكلة؟ لن أكون فى حياتى ببلاغة عمرو صبحى أو خالد سليم إذن فلأكتب براحتى مش لازم كل حاجة تبقى بيرفيكت..كفاية إن أنا مبسوط :)

آه..إيه بقى؟

كنت بتكلم عنى فى الفترة الأخيرة و هو ما كنت أحلم بفعله دائما ...أن أتكلم عنى نفسى بلا انقطاع و يسمعنى الناس

أتكلم فتتهاوى الفتيات و يسقطن ع الصفين

ساعات تتملكني شهوة الكلام عن الذات مع قوزع فلا أتوقف ...حرفيا لا أتوقف

أسمع سؤالكم بوضوح...و احنا ايه ذنب اللى خلفونا احنا فى كل هذا الهراء؟

ممممممممممممممممممم....مش عارف و معنديش اجابة شافية وافية

بس كل الموضوع انكو وحشتونى و حابب أرغى معاكة شوية و ده حقى عليكو كأصدقائى

دمتم بعافية

ماذا أكتب؟
ولماذا أكتب؟
أكتب لأن الكتابة هي البديل الوحيد للانتحار كما قال أحد الذين لا اتذكر اسمائهم حاليا
نعود إلى السؤال رقم 1
أكتب ماذا
ساكتب عن اصدقائي الذين أحبهم....اصدقائي الذين تدمع اعيني كلمة تذكرتهم....رفاق الكلية والشعر والحب و الأكل في الجمعية
ساكتب عن بلد ضاع
"صرت كبلادي تاهت ...من امجاد لا تأتيها ....لا تأتيني "
أنا عادةً لا أحب الكتابة كثيرا ولكن اشعر الان بـمرارة في حلقي تدفعني إلى الاستمرار
أنا مش متضايق بس زعلان... في حاجة مش صح بتحصل حوالينا
بقت اصدق الكلام بتاع إن عمرنا بيتسرق واحنا مش حاسيين... كلام الأغاني اياه ده
ساعات أبقى عاوز اصرخ صرخة عادل محمد "أين جنودك يا الله"
واعود فاستغفر ربي
رمضان السنة دي مش رمضاني
وانا مش أنا
كل سنة وأنتم طيبين
!!

أنا مبسوط وده حدث يستحق الاحتفال!!

أنا عامل البوست دي بس عشان أشكر

و يبقى الأمل

مشهد واحد
نحتاج فى الجمعية العلمية الكثير من البوسترات مقاس متر فى سبعين الشهير
رفيق الدرب عمرو صبحى يصطحبنى الى أحد المكاتب حيث نطبع عددا غير قليل من تلك البوسترات
مشهد اتنين
أدخل لأجد عالما غريبا!!
مشهد تلاتة
المادموازيل ع الجهاز جد سمينة من تلك النوع الذى يجرى وراءه الأطفال فى الحوارى الشعبية لينادوا "يا تخينة يا فشلّة....يا شوال المورتاديلا"
و لكنها و بكل اصرار و احترافية و شياكة و ابتسامة لا تفارقها تمارس عملها بشكل يبهرنى
مشهد أربعة
أحد العاملين يعانى من قصر ملحوظ فى القامة و لكن أيضا كسابقته يداعب الزبائن و يجرى حوارا جميلا
مشهد خمسة
لدهشتى أحد العاملين أيضا يبدو دميما فرأسه صلعاء تماما و بها ندوب عدة بشكل ملفت و كعادة أهل المكان تعامل معى بشكل رائع
مشهد ستة
أتسائل مع نفسى فى البيت....."هل عندك شك أن بكرة أحلى"؟؟؟؟؟؟

واحشانى و واحشنى

واحشانى مدونتى و أنا واحش نفسى أوى

ليه الدنيا و العالم كله يسير فى اتجاه الجنون؟

لماذا يصر العالم أن يصحبنا معه فى رحلة الانتحار الجماعى؟

لماذا يتركنا فقط بعد أن ينهك أرواحنا؟

ماذا يحدث لعالمنا الجميل الذى نمارس فيه فرضا أمانة خلافة الله فى الأرض؟

أنا معترض

أنا مش موافق

أنا روحى بتتسحب منى ببطء

فلندع جانبا كل هذا الهراء و الكلام الأجوف عن مسئولية كل منا أمام نفسه

ليس لأنه كلام عار من الصحة بل لأن قوى الشد صارت شديدة أوى

تيارات السحب بتزيد يوم بعد يوم

أنا تعبت من المقاومة

بس أكيد....

أكيد

بكره أحلى!؟